Ginkumpirmar sang pinuno sang Provincial Health Office nga negatibo sa second test ang asawa ni COVID-19 Patient No. 2 sang Negros Occidental nga taga-banwa sang La Castellana.
Nahibaluan nga nag-negatibo na sa una nga test ang asawa kag bata sang 43-anyos nga driver nagikan sa Pavia, Iloilo kag residente sang Barangay Nato, La Castellana.
Suno kay Dr. Ernell Tumimbang, naggwa kahapon ang ikaduha nga test result sang asawa sini kag liwat nga nagnegatibo sa balatian.
Nagapati si Tumimbang nga wala na sang tsansa nga magpositibo pa ini bangud nga duha na ka sunod-sunod nga test nga nagnegatibo ang asawa.
Samtang, ginahulat naman sa karon ang ikaduha nga test result ni Patient No. 2 mismo agud mahibaluan kun positibo pa ini gihapon sa virus ukon nag-ayo na.
Madumduman nga si Patient No. 2 ang nagpauli sa probinsya sang Marso 13 kag gilayon nga nagpaidalom sa home quarantine.
Abril 5 na sang nakabatyag ini sang sintomas.
Abril 8 sang ginpahibalo siya nga positibo sa COVID-19 ang duha niya ka employer sa Iloilo.
Naggwa ang test result sini nga infected siya sang virus sang Abril 20.
