Nagpanawagan ang misis sang Negrense boxer nga si James Palicte nga suportahan ang iban nga Negrense boxers nga nagasabak sa karon sa Southeast Asian Games sa Cambodia bisan napierde ang iya bana.
Kahapon, napierde si Palicte via split decision batok sa Cambodian nga si Ven Ratha.
Sa interview sang Bombo Radyo kay Mary Elizabeth Clarice Palicte, proud ini sa iya nga mister, pierde man ukon daog.
Suno diri, gintinguhaan sang iya bana nga mahandaan ang hampang halin pa sang nagtraining ini sa Kazakhstan sa sulod sang duha ka semana tubtub nga nagpadulong sa Cambodia.
Bangud consistent ang ila nga communication, gina-evaluate nila ang hampang sini, apang bangud host country ang kontra sini, kinahanglan niya nga tumbahon ang kasumpong agud nga magdaog, gani napierde ini via split decision.
Aminado naman ini nga mas angayan si Palicte sa professional boxing.
Ginaduso naman sang tiayon nga makahampang pa si Palicte sa Olympics.
Wala naman ini nakapauli sa Negros Occidental humalin sang siya ang nagsugod sa pagtraining.
Naghingyo naman ang tiayon sa mga Negrense nga indi lang madismaya bangud may kapierdihan kag may kalutusan sa boxing gani suportahan nalang ang nabilin nga mga boksidor sa SEA Games.
