Gindala sa ospital si Miss Universe Jamaica, Dr. Gabrielle Henry matapos madagdag sa stage samtang nagarampa sa preliminary competition sang Miss Universe 2025.
Suno sa Miss Universe Jamaica Organization, ginhatagan na sang nagakaigo nga pagbulong si Gabrielle kag nagpasalig nga wala sang major injury nga ginasuprer ang kandidata.
Padayon sa karun ang pagconduct nila sang test agud masiguro ang full recovery ni Gabrielle.
Mahibaluan nga nadagdag si Gabrielle sa main stage sa evening gown portion sang preliminary competition kag siya ginsakay sa stretcher.
Samtang, ang Miss Universe 2025 coronation patigayonon alas-9:00 subong nga aga (Philippine Time) sa Impact Muong Thong Thani Arena sa Bangkok, Thailand.
Ang representative sang Pilipinas amo si Ahtisa Manalo nga nagsuksuk sang gown nga gindisenyo ni Mak Tumang nga nainspire sa Philippine festivals sa National Costume show.
