Ginkasal na si anay Miss Universe Philippines 2021 Beatrice Luigi Gomez sa nobyo sini nga si DJ John Odin.
Ginpatigayon ang pagtambi-palad sang duha sa Bauang, La Union sang Oktubre 8.
Sa ila nga mga social media accounts, ginpakigbahin nila ang mga litrato sang kasal nga gintambungan sang ila mga himata kag mga malapit nga abyan.
Gin-ulan naman ang mga ini sang pagpanginbulahan gikan sa ila nga mga abyan sang mahibaluan ang maayo nga balita.
Nahibaluan nga nangin tiglawas sang Cebu City si Beatrice sa Miss Universe Philippines sadtong 2021 kun sa diin ginlutos sini ang 27 ka iban pa nga mga kandidata.
Naghimo man ini sang maragtas bilang isa ka openly bisexual nga babayi nga nagdaog sang national crown kag nangin Top 5 sa Miss Universe 2021 pageant nga ginpatigayon sa Israel.
Samtang ang bana sini nga si John ang kilala nga DJ sa Pilipinas kag bisan sa iban nga mga kapungsuran.
