Nagbun-ag na si Miss Universe Philippines 2022 Celeste Cortesi sang iya una nga bata nga si babyboy Sergio.
Ini ang gin-anunsyo sang beauty queen sa iya nga Instagram page sang Oktubre 27.
Ginpakigbahin ni Celeste ang mga laragway sang iya bata nga may caption nga “So precious, Baby S”.
Ginshare man sang amay ni Sergio nga anay karelasyon ni Cortesi nga si Jonathan Sterling ang post sang beauty queen.
Suno kay Sterling, tuman siya ka proud kay Celeste kag ang pagpabantay niya sa sulod sang 24 ka oras sa beauty queen ang nagapakita sang kaisog ni Celeste bilang isa ka babayi.
Sang Abril, gin-anunsyo ni Celeste ang iya paggbusong kag ginpakigbahin nga ginpangalan niya ang iya nga bata sa iya nagtaliwan nga amay nga si Sergio.
Ginkumpirmar niya ang ila pagbuluganay ni Sterling sa publiko sang Setyembre.
