Excited na sa pagbalik sini sa Pilipinas si Miss Universe Philippines 2024 Chelsea Manalo matapos ang masobra isa ka bulan nga journey sa Miss Universe.
Si Chelsea ang magabalik subong nga adlaw, Disyembre 9 gikan sa Los Angeles kag magapatigayon sang home coming parade ang MUPh organization para sa beauty queen antes ang Christmas.
Lauman man ang pagtambong ni Chelsea sa victory press conference kag pila ka mga media guesting.
Suno sa beauty queen excited ini nga makaupod ang mga Filipino fans, mga abyan, kag pamilya sini agud nga iselebrar ang nakuha nga titulo sang Pilipinas bilang Miss Universe Asia.
Si Chelsea Manalo ang nangin tiglawas sang Pilipinas 72nd Miss Universe pageant sa Mexico kag nagtapos ang journey sini sa top 30 apang nakuha man ang Best in National Costume.
Napaslawan man nga makuha ang korona kag titulo bilang Miss Universe 2024, naghimo naman ini sang maragtas bilang labing una nga black beauty Filipina nga nagrepresentar sang pungsod kag labing una nga title holder sang Miss Universe Asia.
