Nakuha ni Chelsea Manalo ang National Costume Award sa ginpatigayon nga Miss Universe 2024.
Gin-anunsyar sang international pageant ang exciting news kun sa diin may yara sang top 3 sa amo nga award.
Nakuha ni Chelsea ang first place samtang nangin second place naman si Emilia Dides sang Chile kag Nguyen Cao Ky Duyen sang Vietnam bilang third place.
Suno sa Miss Universe organization, ang national costume ang isa ka pamaagi para sa mga contestants agud ipakigbahin ang story, tradiion kag values sang ila tagsa ka pungsod.
Ang national costume ni Chelsea ang nagahatag sang importansya sa relihiyon sa Pilipinas.
Ang ‘Hiraya’ costume ang ginhuman ni Manny Halasan kun sa diin may patterns ini sang Islamic art, yara man ang Puni- nga amo ang pinakakilala nga art form sa Bulacan, kag yara man ang imahe sang Our Lady of Antipolo ukon Our Lady of Good Voyage sa costume.
Nadisenyo naman ang headpiece nga may bangka nga simbolo sang Galleon trade kun sa diin ang mga barko sang Manila padulong sa Mexico ang nagapakita sang trade industry sa pungsod.
Ginpost man sang Miss Universe Philippines sa ila offiicial page ang pagpasalamat sa tanan nga nagboto nga nagbulig sa pagdaog sang Pilipinas sa first place.
Madumduman nga natapos ang Miss Universe Philippines journey ni Chelsea sa Top 30 kag ginkoronahan bilang first Miss Universe Asia.
Nakaligad nga tuig, nakuha man ni Miss Universe Philippines 2023 Michelle Dee ang Best National Costume award.
