Ginpanginwala sang Miss Universe Philippines (MUPH) organization ang alegasyon nga wala nabayaran ang artist na si Jef Albea para sa mga trophies nga ginhimo sini para sa 2024 coronation night.
Santo sa social media post ni Albea, wala nagbayad ang MUPH sa mga trophies nga gindesign kag ginhimo sini para sa coronation night sang Mayo 22.
Suno diri, gilayon lang nga nadula ang organisasyon kag gin-disregard ang due payment.
Dugang pa ni Albea, indi sini kinahanglan ang kwarta gikan sa organisasyon apang luyag sini nga matun-an sang MUPH nga respetuhon ang mga artist.
Nagpagwa naman sang sabat ang MUPH, kag santo sa statement wala nila gin-disregard ang payment sa mga trophies kag santo sa standard procedure sa billing sang suppliers, nagakinahanglan ang MUPH sang husto nga dokumentasyon sa nasambit nga transaction.
Suno man sa organisasyon, wala ini nagaduha-duha nga mag-pursue sang legal nga tikang para ma-address kag masolbar ang akusasyon kasubong man nga maabisuhan ang publiko nga indi magpalapta sang sala nga impormasyon.
