Missile sang Ukraine naigo ang nagapanguna nga oil terminal sang Russia

Naigo sang missile sang Ukraine ang nagapanguna nga oil terminal sang Russia sa St. Petersburg City.

Ini ang ginkumpirmar ni Ukraine President Volodymyr Zelensky.

Ginlaragway pa sang Ukraine president nga ini ang nagapanguna nga infrastructure nga nagahatag sang dako nga revenue para sa giya sang Russia.

Magluwas pa diri, naigo man sang Ukraine ang naval base sang Russia.

Ginpahayag ni St. Petersburg Governor Aleksandr Beglov nga ang iya nga ciudad ang nakaeksperyensya sang “massive drone attack”.

Madumduman nga mas ginpasanyog pa sang Ukraine ang ila nga pag-atake batok sa mga nagapanguna nga imprastraktura sang Russia.