Nasiplatan sa Ilocos Norte ang missile system sang Estados Unidos, nga nakakuha sang atensyon ni Russian President Vladimir Putin.
Sa isa ka Facebook post, ginpakita sang US Army Pacific Command ang Typhon Mid-Range Capability (MRC) missile system nga gingamit sa bilateral army drills nga Salaknib sang tinalikdan nga Hunyo 27 sa military base sa Laoag City.
Ang ground-based missile system, nga makasarang nga magpalupok sang Tomahawk kag SM-6 missiles, ang nag-abot sa pungsod sang Abril 11 kag ini ang gingamit sa Balikatan exercises.
Suno kay Army spokesperson Col. Louie Dema-ala, ang mga missiles ang magabiya sa Pilipinas sa Setyembre apang ginpahayag sini nga ang tikang ang wala sang kaangtanan sa mga pronouncements ni Putin.
Suno diri, Hulyo 27 ang ulihi nga adlaw sang Salaknib drills kag nagapack up na sa karun ang US Army.
Sang tinalikdan nga semana, ginpahayag ni Putin nga padayunon sang Russia ang production sang intermediate- and shorter-range nuclear-capable missiles bangud sa pagdeploy sang Estados Unidos sang midrange missile systems sa Pilipinas.
