Nagapadayon ang mission sang Special Joint Task Force Negros sa paghatag sang seguridad sa pamilya sang mga biktima sang Pamplona Massacre kag pagdismantle sang private armed group sa Negros Oriental.
Sa interview sang Bombo Radyo kay Major Cenon Pancito III, apisar nga natapos na ang lubong ni the late Governor Roel Degamo, nagapadayon sa gihapon ang ila deployment sa Negros Oriental.
Suno kay Pancito, amat-amat naman nga nagabalik sa normal ang mga pumuluyo apang yara sa gihapon ang kasubo.
Suno diri, nagapabilin ang ila committment sa paghatag sang seguridad sa pamilya Degamo kasubong man sa pamilya sang mga witness.
Dugang pa sini nga wala sila nagauntat sa paglagas sa mga nabilin pa nga mga suspetsado nga ginapatihan yara pa gihapon sa Negros Oriental kag pagdismantle sang mga private armed groups.
Paathag ni Pancito nga ang ila mission ang indi lamang tuhoy kay Governor Degamo kundi ini ang pagpabalik sa seguridad kag kalinong sa Negros Oriental.
