Lauman nga may yara sang pagsaka sa presyo sang Gasolina samtang may pagnubo naman sa presyo sang Kerosene.
Suno kay Department of Energy – Oil Industry Management Bureau (DOE-OIMB) assistant director Rodela Romero, lauman nga magasaka tubtob sa P0.40 ang presyo sang kada litro sang Gasolina, kag may pagnubo naman tubtob sa P0.10 ang kada litro sang Kerosene samtang lauman naman nga maganubo tubtob sa P0.20 ukon magasaka tubtob sa P0.30 ang kada litro sang Diesel.
Suno kay Romero, ang posible nga pagsaka sang presyo sang produktong petrolyo ang bangod sa ginalauman nga bag-o nga sanction sang Estados Unidos sa Russia kag paghagan-hagan sang United States-European Union tariff concerns kasubong man sa nagasaka nga tensyon sa mga oil-producing countries.
Samtang ang ginalauman naman nga rollback ang bangod sa increase sa produksyon sa Hulyo sa 411,000 barrels per day.
Masami gina-anunsyar kada Lunes ang aktwal nga price adjustments nga ginapatuman pagkasunod nga adlaw.
