Nagtaliwan na sa edad nga 70 anyos ang US guitarist kag singer nga si Tito Jackson nga isa sa orihinal nga miyembro sang legendary Jackson 5 group kag magulang ni pop superstars Janet kag Michael Jackson.
Santo sa social media post sang tatlo sini ka bata nga sanday Taj, Taryll kag TJ sang music group nga 3T, ila gin-anunsyar ang pagtaliwan sang ila Rock & Roll Hall of Famer nga amay.
Suno sa abyan sang pamilya nga si Steve Manning, nageksperyensya sang heart attack si Tito samtang nagabyahe ini gikan sa New Mexico papauli sa Oklahoma sang Dominggo.
Nakaligad lamang sang nagperform si Tito sa Germany, England kag California kaupod ang mga utod sini nga sanday Marlon kag Jacke sang The Jacksons.
Si Tito ang orihinal nga miyembro sang family group The Jackson 5, kaupod ang iya mga utod nga sanday Jackie, Jermaine, Marlon kag Michael.
Matapos nga nagperma sa Motown Records sang 1969, madamo sila sang international hits sang 1960s kag early 70s samtang si Michael naman ang napadayon sang iya solo career kag napatay sang 2009 sa edad nga 50.
