Ginkumpirmar sang pinuno sang 79th Infantry Battalion sang Philippine Army nga boluntaryo nga nagsungka ang katapo sang New People’ Army kag naformalize ang pagsurrender sini sa Task Force to End Local Communist Armed Conflict sa ciudad sang San Carlos.
Sa interview sang Bombo Radyo kay Lt. Col. Arnel Calaoagan, commander sang 79th Infantry Battalion sang Philippine Army, pasado ala 1:00 ang takna kahapon, si certain Ka Mario ang nagsungka sa ila kag nagformalize ang pagsungka sa opisina ni San Carlos City Mayor Renato Gustilo.
Suno kay Calaoagan, yara man sila kag ang mga kapulisan kag antes pa man ang pagformalize ang pagsungka sang miyembre sang Northern Negros Front sang NPA, ginfacilitate na ini sang Task Force to End Local Communist Armed Conflict sa ciudad sang San Carlos.
Nagapadayon sa karun ang pag-interview sang mga otoridad sa surrenderee.
Dako man ang madula sa hublag bangud ang nagsungka ang naassign sa taxation.
Nagapanguna nga rason sang pagsungka sini amo nga nahidlaw na ini sa iya pamilya kag ang iya ang asawa ang nagaedad na kasubong man narealisar man sini nga wala sang padulungan nga maayo ang ila pagpakigbato.
Ang utod man ni Ka Mario ang nagbulig sa iya agud nga makapanaog kag makasungka sa mga otoridad.
Sa karun, gina-assess na kun ano nga bulig ang mahatag sa surrenderee.
