Miyembro sang NPA nga napatay sa engkwentro sa banwa sang Cauayan, nakilala na

Nakilala na ang isa ka miyembro sang New People’s Army nga napatay sa nagluntad nga engkwentro sa tunga sang NPA kag Philippine Army sa Sitio Bajay, Barangay Caliling, banwa sang Cauayan sang Mayo 21.

Sa interview sang Bombo Radyo kay 15th Infantry Battalion Civil Military Operations Officer Lt. Wean Sandag, ginkilala sang mga anay rebelde ang napatay nga NPA nga si alyas Joem ukon Judy.

Suno diri, si Alyas Joem isa ka miyembro sang Platoon 3, Southwest Front.

Ginabanta nga nagaedad ini sang 50 anyos samtang wala pa nahibaluan kun madugay na ini sa hublag nga nakaupod lamang ini sang mga anay rebelde kag wala man nahibaluan ang matuod kag kumpleto sini nga ngalan.