Wala sa gihapon sang identity ang lalaki nga katapo sang New People’s Army nga napatay sa engkwentro batok sang 15th Infantry Batallion, 3rd Infantry Division sang Philippine Army sa Barangay Gatuslao, banwa sang Candoni.
Sa interview sang Bombo Radyo sang Lt. Col. Michael Cuarteros, commander sang 15th Infantry Battalion, nagluntad ang engkwentro alas 5:30 sang hapon kahapon sa tunga sang 15 ka mga katapo makawala nga grupo kag 15th IB kun sa diin isa ka miyembro ang napatay kag sa karun wala pa makilal-an.
Ang engkwentro ang nagdugay sang 15 ka minutos kag ginsundan sang ikaduha nga engkwentro pagka-alas 5:48 sang hapon kun sa diin nagpalagyo na ang mga rebelde sa nagkalain-lain nga direksyon.
Isa naman ka suldado ang napilasan sa nawala nga abaga apang indi man ini patal kag nadapatan na sang pagbulong.
Narecover sa lugar ang isa ka calibre sang .45 pistol, duha ka mga magazine sang calibre 45 pistol, duha ka magazine sang 5.56 pistol, 24 rounds sang 5.56 pistol, isa ka backpack kag isa ka cellphone.
Sa karun ginahibalo pa ang identity sang NPA nga napatay, nga ginabanta yara sa 20-anyos ang pang-edaron.
