Arestado ang isa ka miyembro sang New People’s Army matapos ginserbehan sang multiple warrant of arrest sa Sitio Agpapatao, Barangay Binobohan, Guihulngan City, Negros Oriental sang nagligad nga Agosto 5.
Ginkilala ang suspetsado kay Porferio Landesa, miyembro sang Central Negros 1-Kometing Rehiyon-Negros Cebu Bohol Siquijor.
Nakuha sa possession kag kontrol sini ang isa ka caliber .38 revolver nga may 13 ka mga live ammunitions.
Ginapahayag nga may yara ini sang tatlo ka mga standing warrant of arrest nga ginalakipan sang isa ka murder case, isa ka kaso sa pagbayolar sang RA 10591 ukon Comprehensive Firearms and Ammunition Regulation Act kag paglapas sa RA 9516 ukon Illegal Possession of Explosives.
Sa karon yara na sa kustodiya sang mga otoridad si Landesa para sa nagakaigo nga disposisyon.
