-- ADVERTISEMENT --
Nadakpan na ang ginatudlo nga riding in tandem suspects nga nagtiro sa miyembro sang Philippine Army sa Sitio Takas, Brgy Palampas, San Carlos City, Negros Occidental, kaina, kapin alas- 12:00 sang udto.
Ang mga suspetsado ang nadakpan paagi sa ginpatigayon hot pursuit operation sang mga otoridad.
Nagabyahe ang suldado sa national highway samtang nagasunod sa iya ang duha ka suspek nga sakay sa motorsiklo.
Gintiro sang suspek ang biktima nga nag-agom sang igo sa paa kag sa likod.
Gilayon naman nga gindala ang biktima padulong sa malapit nga ospital kag gindapatan sang nagakaigo nga pagbulong.
-- ADVERTISEMENT --
Ang suldado ang katapo sang 79th Infantry Battalion sang Philippine Army.
Ginahibalo pa sang mga otoridad kun ano ang motibo sa pagtiro sa biktima.
