Gin-athag sang anay konsehal kag liwat nga nagapapili sa idalum sang Team Asenso nga sa ginpatigayon nga campaign rally sang partido sa Sabado sa Paglaum Sports Complex, kumpleto ang ila ginpangdesignate agud magpabilin sang katinlo kag kalinong sa lugar.
Sa interview sang Bombo Radyo kay former City Councilor Homer Bais, ginpahayag sini nga alas 11:00 sang gab-i sang nagbubo ang ulan sa Bacolod gani medyo nadelay ang pagpahimos sang mga basura apang pagkaaga, gilayon ini nga gintinluan.
Suno kay Bais, ang sulod sang venue ang ginbululigan naman himos sang mga volunteers sang Team Asenso.
Gin-athag man sini nga may yara sila sang ginpamutang nga black bags kag mga halabuyan apang bangud tuman ka damo sang tawo, wala nalikawan nga nagdamo man ang basura.
Suno diri may mga area man sila para sa bulong, sa lost and found, kag nakaplastar naman tanan nga organizers sa tanan nga tion nga amu ang nagaremind sa mga tawo kun ano ang himuon in kaso may magluntad nga amu sini nga sitwasyon.
Nagpanawagan ang anay konsehal nga kuntani indi na maggub-anay bangud luyag man sang tanan nga magserbisyo gani magbuligay na lamang sa ngalan sang serbisyo publiko.
