Nagbisita sa ciudad sang Bacolod si Senator Francis Tolentino agud magpirma sa memorandum of agreement (MOA) para sa Philippine Reserve Officers’ Training Corps (ROTC) Games 2024 Visayas leg nga i-host sang ciudad sa Mayo 26 tubtob Hunyo 1.
Kaupod sang Senador sanday Major General Elpidio Talja, commander sa Air Force Reserve Command kag Commission on Higher Education (CHED) Region 6 Director Raul Alvarez Jr.
Makadali lamang ang Senador sa ciudad kun sa diin matapos ang MOA signing, gilayon man ini nga nagbalik sa Luzon.
Ang ROTC Games Visayas Leg ang patigayunon sa Panaad Park and Stadium kun sa diin magasambuwa ang mga ROTC cadets sa idalum sang Philippine Army, Philippine Air Force kag Philippine Navy gikan sa Regions’ 6, 7 kag 8.
Ginpasalamatan man ni Senator Tolentino si Bacolod City Mayor Alfredo “Albee” Benitez sa pagbatun sang Bacolod City sa pag-host sang ikaduha nga ROTC Games.
