Nagpromisa si President Ferdinand Marcos Jr. nga himuon sini nga prayoridad ang modernization sang Philippine Marine Corps (PMC) kag pasanyuhon ang depensa sini.
Sa 74th anniversary celebration sang PMC sa Philippine International Convention Center (PICC) sa Pasay City kahapon, ginhatagan sang Presidente sang honor ang dinekada na nga commitment sang Marines sa pagpromote sang kalinong kag seguridad, pagprotekta sang kabuhi kag pag-assert sang soberinya sang pungsod.
Gin-acknowledge man sini ang nagadamo nga mga pagpanghangkat sa pagdepensa sang isla sa Pilipinas kag pagprotekta sang mga baybayon sini kadungan sang iya pagpromisa nga paghatag sang suporta sa pag-advance sang mandato sang Marines.
Gindumdum man sini ang tiyempo sang siya ang nagatrain pa bilang isa ka marino.
