Ginpahayag ni Moises Padilla Mayor Ella Garcia Yulo nga ginahikutar na nila ang pagfile sang motion for reconsideration sa guilty verdict sang Office of the Ombudsman.
Nahibaluan nga ginpamatbatan nga guilty sa ‘grave abuse of authority’ kag ‘neglect of duty’ si Mayor Ella upod kanday Archie Montelibano, head sang Human Resource Management Office; kag Warren Jocson, officer-in-charge sang Business Permit and Licensing Office sang banwa.
Ini kasunod sa complaint nga ginfile sang tag-iya sang isa ka funeral parlor nga si Ramona Nalagon Villaflor sang Setyembre 11, 2023.
Pahayag sang complainant nga nacomply na sini ang tanan nga requirements kag nabayaran naman ang fees apang malawig nga wala gin-aktuhan ang iya application sang business permit tubtob nga gindeny.
Bangod sini, Mayor Ella kag ang duha ka empleyado ang ginmultahan sang katumbas sang iya anom ka bulan nga sweldo.
Ini ang mahimo kuhaon sa iya sweldo ukon sa mga benepisyo, samtang sila ang magapadayun lamang sa pagtrabaho.// Suno kay Mayor Ella, ini ang kabahin lamang sa mga pagpanghankat bilang public servant.
Dugang pa sini nga indi tanan ang sarang nga maplease sa pagserbisyo.
Apang pasalig sang alkalde nga indi maapektuhan sang kaso ang iya pagserbisyo sa mga pumuluyo sang Moises Padilla.
