Ginpamatbatan nga guilty sang Office of the Ombudsman Visayas si Moises Padilla Mayor Ella Garcia Yulo bangod sa ‘grave abuse of authority’ kag ‘neglect of duty.’
Kaupod sini, ginpamatbatan man nga guilty si Archie Montelibano, head sang Human Resource Management Office; kag si Warren Jocson, officer-in-charge sang Business Permit and Licensing Office.
Ang desisyon sang Ombudsman, ang napetsahan Pebrero 20, 2025.
Ini ang resulta sa ginfile nga reklamo sang Setyembre 11, 2023 ni Ramona Nalagon Villaflor, tag-iya sang isa ka funeral parlor.
Panindugan ni Villaflor nga wala gin-issuehan sang business permit ang iya negosyo bisan ini ang nagcomply sa tanan nga requirements.
Ginapahayag sang respondent nga duha ang nag-apply sang business permit sa parehas nga lote, address kag line of business.
Ang isa nga nagfile amo ang utod ni Ramona nga si Luzviminda Nalagon, nga amo ang nahatagan sang business permit.
Sa complaint ni Ramona nga siya ang na-issuehan pa sang business permit sang 2022, apang sang mag-aaply sang 2023 apisar nagcomply na sa requirements kag nakabayad na sang mga fees wala gin-aktuhan ang renewal sa sulod sang apat ka bulan tubtob nga gindeny sang Hunyo 26, 2023.// Si Mayor Ella kag ang duha ka empleyado, ang ginpamulta sang katumbas sang iya anom ka bulan nga sweldo.
Ini ang mahimo kuhaon sa iya sweldo ukon sa mga benepisyo, samtang sila ang magapadayun lamang sa pagtrabaho.
Magluwas sa rasun sang respondent, isa man sa nagagwa nga mahimo rasun sa indi paghatag sang business permit, ang bangod ang bana ni Ramona ang pakaisa ni former Vice Mayor Ian Villaflor nga nagkontra kay Yulo sa pagpapili nga Mayor sang nakaligad nga eleksyon.
