Indi na makilal-an ang na-agnas nga bangkay nga nasapwan sang Moises Padilla Disaster Risk Reduction and Management Office kahapon sang udto sa bahin sang Hda. Mapa, Barangay Crossing Magallon.
Sa interview sang Bombo Radyo Bacolod kay Moises Padilla DRRMO Head Reynald Horegue, naga-clearing sang area ang tag-iya sang duta sang nasapwan sini ang bangkay.
Suno diri, ang bangkay natabonan sang madamol nga rurok.
Suno kay Horegue, indi na mahibaluan ang bangkay kun lalaki ukon babayi bangod nga nadugayan na ang bangkay kag panit kag tul-an na lamang ang makit-an.
Ginapatihan sa karun nga ang bangkay ang biktima pa sadto sang bagyo Tino.
Pahayag ni Horegue, sa ila nga rekord ini na ang ika-27 nga bangkay nga ila narekober nga ikaduha na nga wala sang identity.
Samtang, nagdangat na sa 16 ang napatay sa banwa bangod sa bagyo Tino, duha ang unidentified, kag 15 ang missing
Iban sa mga bangkay naclaim na sang mga pamilya nga mga resdiente sang La Castellana kag Canlaon City sa Negros Oriental.
