Nagtuga sang discoloration kag fish kill sa baybayon sang Bais City, Manjuyod kag Amlan sa Negros Oriental ang molasses spill gikan sa nawasak nga containment lagoon sang Universal Robina Corporation sa ciudad sang Bais, Negros Oriental.
Nag-collapse ang 20-hectare wastewater lagoon of a distillerys bangud sa nagtipon nga volume sang tubig kasunod sang mabaskog nga pag-ulan.
Apektado sang mollases spill ang 4 to 5 kilometers sang baybayon sa nasambit nga lugar.
Sa interview sang Bombo Radyo Bacolod kay Vicente Losbañes, acting director sang Environment Management Bureau-Negros Island Region, gilayon sila nga nag-issue sang interim cease-and-desist order batok sa Universal Robina Corp.’s (URC).
Suno kay Los Bañes antes pa man ang ginpagwa ang order ang kompaniya mismo ang boluntaryo nga nagsira sang distillery.
Nadiskubrehan ang waist spill gikan sa distillery sang Domingo sang aga kun sa diin ang baybayon sang Bais City kag banwa sang Manjuyod ang naglain ang color.
Bangud Sini apektado ang mga resorts kag nagtuga man sang fish kill sa nabaw nga bahin sang dagat.
Ang molasses ang organic kag non toxic apang ang tuman kadamuon sini sa tubig ang makapanubo sa oxygen levels kag makaapekto sa marine life.
Apektado man ang palangabuhian sa mga kalapit nga lugar bangud sa molasses spill kag isa na diri ang turismo.
