Nagpanugyan ang gobernador sang probinsya sa mga medical technologist nga maduty sa Teresita Lopez Jalandoni Provincial Hospital Molecular Laboratory nga kabigon ang una nga semana sang pagduty nga kabahin sang ila nga proficiency test.
Suno sa pahayag ni Governor Eugenio Jose “Bong ”Lacson sa ginpAtigayon nga press conference, wala ini nagaekspektar sa mga medical technologists nga gilayon nga ma-maximize ang kapasidad sang RT-PCR equipment bangud luyag sini nga mangin komportable ang mga ini samtang nga nagadasig sila sang pagproseso sang mga swab test sa tagsa ka adlaw.
Dugang pa sini, 250-300 ang ginalauman nga matapos nga test kada adlaw.
Nahibaluan nga gin-certify na sang Research Institute for Tropical Medicine ang Teresita Lopez Jalandoni Provincial Hospital Molecular Laboratory nga sarang na makapatigayon sang independent testing para sa COVID-19.
Sa ginpagwa sang RITM nga certification nga napetsahan Hunyo 1, 2020, ang nasambit nga ospital ang sarang na nga maka-participate sa Proficiency Testing Program sang RITM, magsunod sa Operational Guidelines para sa COVID-19 laboratories kag magsunod sa highest laboratory quality standard.
Ginpirmahan ini ni Dr. Nestor Santiago Jr, pinuno sang COVID-19 Laboratory Operations Team.
Ini ang makabig nga maayo nga development sa mga tikang sang provincial government sa pagpakigbato batok sa COVID-19.
Samtang, wala sang bayaran ang nagpatest bangud ang Philhealth ang magabayad sini ukon mahimo man nga ang probinsya ang mabayad kag ireimburse sang Philhealth.
Samtang nagdangat naman sa 600 ang kabug-usan nga nakapauli nga mga OFW sa Negros Occidental kag isa diri ang lapsag.
