Nagpangayo sang suporta kag pagpangamuyo ang presidente sang Samahang Weightlifting ng Pilipinas para sa mga athletes sang Pilipinas sa 2024 Paris Olympics.
Sa interview sang Bombo Radyo Bacolod kay Monico Puentevella, maga-umpisa na sa Biyernes ang sport event kasubong man nga nakahanda na ang mga atleta sang Pilpinas para maghampang.
Suno diri, ginahimos pa sini sa karun ang allowance sang mga athletes ilabi na sa tatlo ka athlete nga under sa iya.
Balantayan man suno kay Puentevella ang boxing match nanday Carlo Paalam kag Eumir Marcial, apang posible naman nga sa masunod nga Paris Olympics sa tuig 2028 wala na sang boxing match bangod nga masami nga mahigko ang hampang sini.
Kasubong man nga bantayan ang hampang sang pole vaulter nga si EJ Obiena kag sang mga Filipino weighlifters.
Bantayan sa Bombo Radyo Bacolod ang updates sang Paris Olympics 2024.
