Gindeny sang isa ka korte sa Manila ang motion ni former Negros Oriental Representative Arnolfo “Arnie” Teves Jr. nga magpabilin nga detained sa idalum sang kustodiya sang National Bureau of Investigation (NBI) sa New Bilibid Prison.
Sa isa ka 5-page order, ang Manila Regional Trial Court (RTC) Branch 51 ang nagpagwa sang isa ka commitment order nga nagatransfer kay Teves nagikan sa NBI padulong sa Metro Manila District Jail (MMDJ) sa Camp Bagong Diwa, Bicutan, Taguig City.
Ang Branch 51 ang naga-uyat sang murder, frustrated murder kag attempted murder case batok kay Teves natuhoy sa ginaalegar pagpatay kay Negros Oriental Governor Roel Degamo kag napulo ka iban pa sang 2024.
Sa iya motion, nagpabutyag si Teves sang kahangawa sa iya kaluwasan apang wala ini ginhatagan sang dako nga kabug-atan sang RTC.
