Wala pa natumod kun ano ang motibo sa pagpatay sang police personnel sang Bacolod Police Station 5 kay Kristine Joy Dignadice.
Sa interview sang Bombo Radyo Bacolod kay Police Regional Office – Negros Island Region Spokesperson Police Lt Col. Joem Malong, ginpatpat ni Police Staff Sgt. Enrique Gonzalodo, kun paano natabo ang pagpatay kag kun diin sini ginhimo ang krimen kag ginhaboy ang bangkay ni Dignadice.
Suno diri, gintudlo mismo sang suspect ang mga buka nga bahin sang windshield ukon bintana sang salakyan nga nagalapta sa highway sang Bacolod-Talisay intersecion sang Bacolod-Silay Airport Access Road.
Gintudlo man sini kun diin niya ginhaboy ang bangkay ni Dignadice sa Central Ma-ao, Brgy Don Jorge Araneta sa Bago City.
May nakita nga duha ka igo sang bala sa natoo nga abaga ni Dignadice nga naglapos sa iya liog.
Sa karun yara sa kustodiya sang Talisay City Component Police Station si Gonzalodo bangod natabo ang pagpatay sa Bacolod-Talisay intersecion.
Pahayag ni Malong, padayon ang ila imbestigasyon kag indi lang sila magsandig sa pahayag ni Gonzalodo.
