Kaangtanan sa illegal nga droga ang mga motibo nga ginatutukan sa pagluthang patay sang 38 anyos nga babayi nga barker sa Purok Lubi, Barangay 3, Bacolod City kaina sang aga.
Madumduman nga ginbawian sang kabuhi ang biktima nga ginkilala nga si Mary Jane Co.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, ang biktima ang yara sa lugar bangod diri ini nagascore ukon nagagamit sang shabu.
Paathag sini nga drug user lamang ang biktima kag sila ang wala sang impormasyon nga ini ang nagabaligya.
Isa sa ginalantaw nila nga motibo sa krimen amo ang lansihanay ukon wala makabayad sa ginkuha nga shabu.
Nakabatun man sila sang impormasyon nga may nagkuha nga van sa biktima kagab-i, nga mahimo agud sila ang ma-interrogate kag mahatagan sang deadline, nga wala sini matuman.
Mahimo man nga siya ang nasal-an nga asset sang kapulisan bangod sang damlag lamang, asod-asod ang ila napatigayon nga drug buybust operation sa area.
Sa natipon nga impormasyon, duha ka lupok sang armas luthang ang nabatian sang mga tawo sa palibot kag duha man ka basiyo sang bala ang ila nga narecover.
Apang ginahulat pa nila ang opisyal nga report gikan sa Scene of the Crime Operation (SOCO).
Sa impormasyon sang kapulisan, sumugod sang Disyembre, ang biktima kag iya pamilya ang nagtinir na sa Man Plaza, Barangay 5 bangod magluwas sa pagtrabaho bilang barker sang jeep, sila ang nagapangayo-ngayo man kag madamo sang mapangayuan sa nasambitan nga establishimento.
