Ginbasura sang Office of the Ombudsman Visayas ang motion for reconsidenration nga ginfile ni suspended Punong Barangay Hercy Sibug sang Barangay 7, Bacolod City kaupod si suspended Barangay Kagawad Bernabe Sibug kag Barangay Treasurer Edmar Base.
Ini ang santo sa desisyon nga ginpagwa ni Rogie Dela Cuesta- Fernandez, Graft Investigation and Prosecution Officer II sang Oktubre 17, 2024 kag gin-aprubahan ni Dan Vargas, Deputy Ombudsman for the Visayas, nga may petsa Oktubre 21, 2024.
Nahibaluan nga ang tatlo ang ginsuspend sang Ombudsman sang tatlo ka bulan nga wala sang sweldo bangud sa simple misconduct.
Nag-ugat ang kaso sa reklamo nga ginfile ni Cresensiano Torres bangud sa conduct prejudicial to service, abuse of authority kag grave misconduct sang Hunyo 2023 ukon gina-alegar nga pagpangutang kag paggamit sang tseke sang Barangay nga gin-issue sang Land Bank.
Nakasaad sa desisyon sang Ombudsman nga ‘denied’ ang MR sang respondent bangud sa kakulang sang merits.
Suno sa Ombudsman, may yara sang substantial evidence nga nakita sa Hulyo 16, 2024 nga desisyon nga liable ang tatlo sa simple misconduct.
Samtang, ginpadulungan naman sang Bombo News Team ang balay sang suspended nga barangay officials sang Barangay 7, Bacolod agud kuhaan sang pahayag apang sirado ang puluy-an sang mga ini.
