Patay ang motorcycle driver samtang nagapaayo na ang live-in partner sini matapos maaksidente sa Sitio Panuulan, Barangay Guadalupe, San Carlos City, Negros Occidental sang Easter Sunday, Abril 5, 2026.
Ginkilala ang mga biktima nga sanday Ernan Villacampa, 40 anyos kag ang angkas sini ang ginkilala kay alyas Armida.
Sa interview sang Bombo Radyo Bacolod kay Police Captain Rodney Sarona, Deputy Chief of Police sang San Carlos City Police Station, ang maglive-in nga sakay sa motorsiklo ang halin sa proper sang San Carlos City kag papauli na sa Barangay Guadalupe.
Ang driver kag ang angkas ang gindala sa ospital apang ang driver gindeklarar nga dead on arrival samtang ang angkas ang nagapaayo na sa karun.
Ginpahayag ni Sarona nga yara sa impluwensya sang makahulubog nga ilimnon ang driver rason nga nadulaan ini sang control kag nakabunggo sa poste kag wala ang mga ini sang suksok nga helmet.
Yara sa kustodiya sang San Carlos City Police Station ang motorsiklo sang mga biktima para sa nagakaigo nga disposisyon.
