Dead on the spot ang motorcycle rider matapos mabungguan sang tricycle sa Hda. Acacia, Barangay Concepcion ciudad sang Talisay takna alas-5:30 sini nga hapon.
Sa interview sang Bombo Radyo Bacolod kay PSSgt. Rogen Guarino, investigator sang Talisay City Police Station, gin-agaw sang tricycle nga ginadala ni Jobert Roylan sang Barangay Matab-ang, Talisay City ang lane nga gina-usoy sang biktima nga si Joel Tubongbanua sang Barangay Concepcion sa amo sa gihapon nga ciudad.
Gindala naman sa Corazon Locsin Montelibano Memorial Regional Hospital sa ciudad sang Bacolod si Roylan bangud sa mga pilas nga naagom sini sa iya nga ulo kag nagkalain-lain nga bahin sang iya lawas.
Suno kay Guarino, yara sa impluwensya sang makahulubog nga ilimnon ang suspetsado.
Gindala naman sa Manapla Funeral Homes ang bangkay ni Tubongbanua.
Sa karon wala pa nahibaluan kun mapasaka sang kaso ang pamilya sang biktima.
