Patay ang isa ka motorcycle rider matapos nga makabunggo sa 10 wheeler nga truck sa intersection sang GM Cordova-Avenue kag Circumfirential Road sa Barangay Mandalagan, Bacolod City tinalikdan nga gab-i.
Ang biktima ang ginkilala kay Johnmar Garcilba, 30 anyos, isa ka credit investigator sang mototcycle distributor kag residente sang Brgy. Talaban, syudad sang Himamaylan.
Ang biktima ang nagikan sa isa man ka pagtililipon sa Brgy. Mandalagan kag masugat kuntani sa iya nobya sa terminal nga bag-o man nag-abot gikan Cebu.
Suno kay Police Major Richard Fajarito, station commander sang Bacolod Police Station 3, posibe nga madasig ang pagpadalagan ni Gacilba rason nga ini ang naglapaw sa intersection kag nakabunggo sa 10 wheeler truck nga kargado sang tubo padulong sa norte nga ginamaneho ni Arnel Alunan, 32 anyos, residente sang Hda. San Baldomero II, banwa sang Murcia.
Nagapati ini nga bangud pangayaw si Garcilba, posible nga indi sini sunado ang dalan rason nga naglapaw ini sa intersection imbis nga maliko patuo.
Nag-angkon sang samad sa ulo ang biktima kag ini ang gintunaan sang iya kamatayon.
May yara naman sang settlement sa tunga sang pamilya sang biktima kag sang driver sang 10 wheeler truck.
