Motorcycle-rider, patay matapos malapakan sang truck sa ciudad sang Bago

Patay ang motorcycle rider matapos malapakan sang truck sa Purok Masinadyahon, Brgy. Lag-asan, Bago City, Miyerkules sang kaagahon.

Sa interview sang Bombo Radyo Bacolod sa hepe sang Bago City Police Station nga si Police Major John Joel Batusbatusan, ang biktima nga si Jojo Divinagracia sang Brgy. Lag-asan ang nagamaneho sang motorsiklo nga nabungguan sang tricycle nga ginamaneho ni Raymar Componion sang Brgy. Poblacion, Bago City.

Bangod sa ka todo sang impact sang pagbunggo, naglabog ang biktima kag natabuan nga naglabay ang truck nga ginamaneho ni John Rey Arita sang Brgy. Barbas 1, Cadiz City gani ini ang nalapakan.

Kaso nga reckless imprudence resulting to homicide ang ipasaka sa driver sang tricycle.