Patay ang nagamaneho sang motorsiklo matapos ini ang naaksidente sa dalan sang Gate 2 sa BREDCO port kagab-i.
Ang biktima ang ginkilala kay Erol Francisco, 34 anyos kag residente sang Prk. Magbinuligay, Barangay Bata sa syudad sang Bacolod.
Santo sa inisyal nga imbestigasyon sang Police Station 2, suno sa mga saksi nga ang biktima ang gikan sa West padulong East nga direksyon kag wala niya makit-an nga may yara sang buho sa tunga sang dalan kag posible madasig ang padalagan rason nga wala niya makontrol ang motorsiklo kag nakabunggo sa duha ka trailer.
Suno kay Police Staff Sergeant Erhex Branyl Tan, Investigator on Case sang Bacolod Police Station 2, ang motorsiklo ang una na nga nakabunggo sa goma sang isa ka trailer truck kag nagtabog pakadto sa isa ka truck kun sa diin gintunaan sang kamatayon sini matapos nga nalampos ang ulo kag lawas sini sa semento.
Suno kay Tan, madamo sang lubak lubak nga dalan sa sulod sang Bredco port kag wala man sang nakabutang nga warning device.
