Patay ang isa ka motorcycle rider matapos nga makabunggo sa Toyota Hilux sa Purok Lunok, Barangay Caridad, Bago City, Negros Occidental, kahapon sang hapon, Mayo 19.
Ang motorsiklo nga Honda GTR 150cc nga ginamaneho ni Mark Siegrey Javierto, 29 anyos, kasado kag residente sang 46R Bayanihan Habitat Homes, Barangay Concepcion, Talisay City, Negros Occidental ang nagabiyahe sa National Highway sang Barangay Caridad padulong sa Barangay Ma-ao sang nakabunggo ini sa paliko nga salakyan nga ginamaneho ni Teody Tamayo, 68 anyos, kasado kag residente sang Purok Escaralata, Barangay Lacaron, Valladolid, Negros Occidental nga halin sa Barangay Bagroy kag padulong sa Bago City proper.
Gindala pa ang duha ka mga driver sa ospital apang si Javierto ang ginbawian sang kabuhi.
