Nakaangkon sang kapilasan ang isa ka motorcycle rider matapos nga matumba ang ginadala sini nga motorsiklo bangud sa madanlog nga dalan tuga sang pag-ulan sa Access Road, Barangay Bata ciudad sang Bacolod kahapon sang hapon.
Sa interview sang Bombo Radyo Bacolod sa nakasaksi nga ginkilala kay Shubert Molina, papauli na ini kuntani padulong sa norte nga bahin sang probinsya sang iya nalabyan ang isa ka lalaki nga natumba sa motorsiklo sini.
Gilayon ini nga nagtawag sa iya kilala sa Red Cross agud magpangayo sang rescue team.
Suno kay Molina, sa una wala na nagagiho ang biktima apang sang ginpalapitan sini, nag-amat-amat hulag ang lalaki.// Gani iya ini ginpayongan tubtob nga maka-abot ang rescue team.
Nakaangkon sang pilas sa guya ang biktima nga wala pa mahingadlan.
Gilayon man ini nga gindapatan sang pagbulong.
