-- ADVERTISEMENT --
Liwat na naman nga nagbuga sang abo ang Mt. Kanlaon humalin alas 10:48 ang takna tubtob alas 11:45 ang takna kaina sang aga.
Ginapaaligmat ang mga residente sa mahimo nga pagtupa sang abo nga ginbuga sang bulkan padulong sa nabagatnan-nakatungdan.
Padayon man nga mangin alerto, masami nga maghalong kag magsunod sa mga pahanumdom sang mga otoridad bangud nagapabilin sa gihapon ang posibilidad nga liwat nga maglupok ang Bulkan Kanlaon ilabi na nga nagapabilin ini sa Alert Level 3 kag mahimo nga magsaka pa sa Alert Level 4 suno sa Philippine Institute of Volcanology and Seismology (PHIVOLCS-DOST).
