Nagdugay sang kapin anum ka minuto ang pagbuga sang aso sang Mt Kanlaon kaina alas- 7:42 ang aga.
Sa interview sang Bombo Radyo kay Pearly Sianson, science research specialist sa Philippine Institute of Volcanology and Seismology (Phivolcs) Kanlaon Volcano Observatory sa La Carlota City, santo sa 24 oras nga pag-oberserbar sa bulkan, may yara sang narekord nga lima ka volcanic earthquakes nga nagluntad kun sa diin nagdangat sa 5,177 tones per day nga sulfur dioxide ang ginbuga ang bulkan.
May yara man sang naobserbahan nga ashfall kahapon sang hapon nga naga-upod sa hangin sa southwest nga dereksyon.
May yara man sang nabatyagan nga gamay nga baho sang asupre sa bahin sang Brgy Cabagna-an sa banwa sang La Castellana, Negros Occidental.
Samtang, kaina sang aga, nagbuga sang abo ang bulkan nga nagdugay sang anum ka minuto.
Bangod sini, suno kay Sianson, hugot nga ginadumilian sa gihapon ang pagsulod sa 4km permanent danger zone kag pagpa-alerto sa publiko sa pagremind nga yara sa gihapon sa alert level 2 ang bulkan Kanlaon.
