Mudslide nagluntad sa Bindoy Negros Oriental kasunod sang madamol nga pag-ulan

Ginkumpirmar sang director sang Office of the Civil Defense-Negros Island Region ang nagluntad nga landslide sa banwa sang Bindoy, Negros Oriental sang Disyembre 30, 2025.

Sa interview sang Bombo Radyo Bacolod kay Donato Sermeno III, ang nagluntad nga mudslide sa Barangay Malaga, Bindoy kasunod sang madamol nga pag-ulan.

Suno kay Sermeno ang dalan halin sa Bindoy padulong sa Manjuyod nga natabunan sang lunang kasunod sang mudslide.

Wala naman sang reported nga balay nga naguba kag wala man sang casualties kasunod sang mudslide.

Ang natabunan nga dalan ang malapit sa nabukid nga bahin sang banwa gani prone sa landslide ukon mudslide.

Suno kay Sermeno wala man sang reported nga pagbaha sa Binjoy apisar sang madamol nga pag-ulan.