Ginforward na sang Murcia Municipal Police Station ang case folder para sa evaluation sa Provincial Prosecutor’s Office sa ifile nga kaso batok sa duha ka natumod nga suspect sa pagmassacre sa Celayes family.
Madumduman nga ginpatay ang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos sang Mayo 1 sang gab-i sa Sitio Guinam-an, Barangay Buenavista, Murcia, Negros Occidental.
Sa interview sang Bombo Radyo Bacolod kay Police Major Sherwin Fenandez, hepe sang Murcia Municipal Police Station, sila ang may duha na ka suspect apang wala na ginhingadlan pa sunod sa request sang mga nalisdan nga pamilya.
Nagapabilin nga away sa duta ang ginalantaw nga motibo sa pagpatay.
Suno diri ginareview pa sang piskal kun nagakaigo na ang ila natipon nga circumstantial evidence sa pagfile sang multiple murder case.
Sila ang may isa man ka witness apang indi pa desidido nga magtestigo bangod sa kahadlok sini para sa iya kabuhi.
