Gin-athag sang Municipal Social Welfare and Development Office sang Valladolid nga indi dapat pagbuksan ang food packs nga ginapanagtag sang ahensya antes ini ihatag sa mga nabahaan.
Sa interview sang Bombo Radyo kay Rona Gepanago, nakabaton sila sang food packs nagikan sa DSWD Region 6 pagkatapos sang baha.
Ang mga barangay ang gintagtagan base sa report nga ginsumiter sang barangay kun sa diin ang food pack ang ginalakipan sang 6 kilos rice, 4 ka lata nga tuna, 4 ka lata nga corned beef kag apat ka lata nga sardinas.
Sa karon, may yara pa sang canning sang additional food packs agud ipanagtag sa mga wala pa nakabaton.
Suno kay Gepanago, kuntani dapat wala na ginbuksan kag ginbuhinan ang karton kundi isa ka pack ang ila nga mabaton bangud para na gid ini sa isa ka pamilya.
Suno sa iya, nagreklamo ang mga taga-Barangay Palaca bangud gintunga sang mga barangay officials.
Gin-emphasize naman sa mga barangay officials nga partial pa lang ang ginpanghatag bangud may magaabot pa kag dapat nga ginpaathag ini sa mga nabahaan.
Sa karon, yara na sa warehouse sang DSWD ang food packs kag natalana na nga kuhaon.
Ginpanindugan sini nga gin-orient ang mga barangay officials nga indi makabaton ang tanan bangud may magaabot pa nga supply.
Suno kay Gepanago, ang mga pamilya nga makabaton sang food packs ang nakadepende sa listahan sang mga apektado nga ginsumiter sang barangay.
Ang nabaton nga food packs ang augmentation lang nagikan sa DSWD apang may calamity fund man ang barangay kag ang banwa nga sarang gamiton sa pagbakal sang food items nga ipanagtag sa mga nabahaan.
