Apisar nga trabahuso, gina-enjoy sang mushroom grower kag producer ang paghimo kag pagbaligya sini sang mushroom chicharon, mushroom chili garlic kag mushroom pickles.
Sa interview sang Bombo Radyo Bacolod kay Hazel Pat, maayo gid ang ila nga benta sang naglabay nga Pebrero 14, Valentines Day.
Suno diri, siya ang nag-umpisa sa pagpatubo sang mushroom sang 2018 matapos gintudlo sa iya sang abyan nga may kaangay man nga negosyo.
Pinakadako nga nangin kabudlayan sini ang pagwaswas sang Bagyo Oddete kun sa diin nagcollapse ang iya growing house, kasubong man sa tion sang pandemic nga mabudlay ang pagbaligya.
Aminado si Pat nga trabahuso ang mushrooms farming, apang ini ang mapadayun kun palanggaon kag ma-enjoy ang proseso.
Ang mga mapatubo nga mushrooms ang ila nga gina-deepfry gamit ang vegetable oil, ginade-oil kag ginadehydrate sa paghimo sang chicaron gani ini ang wala na sang oil content.
Ang mushroom ang makabig alternatibo sa karne bangod ini ang mataas sa protein kag may madamo nga nutrisyon.
Sarang gid ini nga mangin replacement sang karne kag magamit sa lainlain nga luto kaangay sang bola-bola ukon lumpia.
Dugang pa ni Pat nga bisan gamay lamang nga space ang sarang na nga magamit agud patubuan sang uhong, butangan lamang sang screen agud indi masudlan sang mga langaw kag iban pa nga mahimo makacontaminate, kag dapat malayo man sa mga manokan ukon baboyan.
Pasalig sini nga healthy and organic ang ila mga produkto.
Sila ang nagapartisipar man sa nanarisari nga mga trade fair kun sa diin dako gid nga benepisyo nakaligad nga 2024, kag sila ang may mga retailers man kag may mga store nga nagakuha sang stocks.
Sa Pebrero 23, yara man sila sa pagabuksan nga Kadiwa Sunday Market sa Bacolod City Government Center.
Bangod sa nagasaka nga demand, ginapinsar ni Pat nga magpangita sang mas malapad nga pwesto para sa expansion.
Sila ang makita sa Bangga 9, Purok Badjang, Barangay Sum-ag, Bacolod City kag mahimo man macontact sa 09388900040 kag malab-ot man si Hazel Pat sa facebook.
