Patay ang isa ka musician matapos ginluthang sang riding in tandem suspects sa syudad sang Talisay kahapon sang hapon.
Sa impormasyon nga nakuha sang Bombo Radyo, nagasakay ang biktima nga si Melvin Borja sa isa ka yellow nga tricycle pasulod sa Talisay Town Heights, Brgy. Matab-ang, Talisay City kun sa diin siya nagapuyo sang ini ang ginluthang sang apat ka mga suspetsado nga sakay sa duha ka motorsiklo.
Suno sa mga residente nga nakasaksi sa pagluthang, may yara sang tabon sa guya ang apat ka mga lalaki.
Nakita sa crime scene ang apat ka slug sang wala pa natumod nga armas-luthang samtang wala pa natumod kun diin ang mga igo sa lawas ni Borja.
Sa karun, ginahulat pa ang report sang Scene of the Crime Operatives (SOCO) kag nagapadayon pa ang imbestigasyon sang mga kapulisan tuhoy sa motibo sang krimen.
