Nagnubo sang 38.9 percent ang approved foreign investments sa Pilipinas sang tinalikdan nga tuig sa P543.62 billion, pinakadako nga pagnubo sa sulod sang apat ka tuig.
Ang una nga datos gikan sa Philippine Statistics Authority nagapakita nga ang balor sang foreign commitments nga gin-aprubahan sang mga ahensya sa investment promotion agencies (IPAs) sang pungsod sang 2024 mas manubo sa P889.24 billion sang 2023.
Ginakabig nga ang tuigan nga pagnubo sang mga foreign investments amo ang pinaka-lowest halin sa 71.3 percent nga pagnubo nga narekord sang 2020.
Sa tatlo ka bulan tubtob Disyembre, ang mga pledges naglab-ot sa P57.70 billion, nga nagnubo sang 85.4 percent gikan sa P394.46 billion sa amo man nga panahon sang 2023.
Amo ini ang pinakamataas nga pagnubo sa sulod sang 26 ka tuig ukon halin sa 94.5 percent nga pagnubo sang ikatlo nga quarter sang 1998. Sa balor, ini ang pinakamanubo halin sang P27.46 billio sa ikatlo nga quarter sang 2023.
Nagdala ini sang gross domestic product (GDP) sang pungsod sa 5.6 percent sang 2024, sa idalom sang revised nga 6 tubtob 6.5 percent nga target sang gobyerno.
