Nagsaka sa kapin sa 340,000 metric tons (MT) ang na-import nga karne sang baboy humalin sang Enero tubtob Marso santo sa latest nga data sang gobyerno.
Sa data sang Bureau of Animal Industry (BAI) naglab-ot sa 344,594 MT ang narekord nga meat imports sa una nga tatlo ka bulan subong nga tuig.
Ini ang nagsaka sa kapin sa 26 percent kun sa diin ang narekord nga import sang tinalikdan nga tuig sa amo man nga period ang yara lamang sa 273,640 MT.
Ang karne sang baboy nagapabilin nga nagapanguna nga meat product nga may mataas nga volume sang import.
Suno sa mga industry traders kag importers, nagasalig sa gihapon ang Pilipinas sa supplies halin sa iban nga pungsod agud malab-ot ang demand sa karne sang baboy samtang indi sa gihapon supesyente ang produksyon sang domestic pork.
