Ginkumpirmar sang station commander sang Bacolod Police Station 2 nga ang subject person sang buybust opertion sang Silay City Police Station sa Barangay Mambulac, Silay City amo si Maria Chin-Chin Grace Cuadra nga nalakip sa nakalista sa one-fourth size nga papel nga nakaapid sa nasapwan nga duha ka utod nga mga kamot sa Purok Kagaykay, Barangay 2.
Suno kay Police Captain Jonito Pastrana, Maria Chin-Chin Grace Cuadra ang yara na sa drugs watchlist sang Police Station 2.
Siya ang asawa sang isa sa mga Rafols nga nasapwan nga patay sa banwa sang Murcia, Negros Occidental sadto kag ini man ang utod ni Aki Cuadra nga napatay naman.
Ginpakamaayo man sini nga nadakpan naman si Cuadra sa ginpatigayon nga buybust operation sa syudad sang Silay.
Ginamonitor man sang police station 2 si Cuadra apang indi ini matimingan bangud wala man ini nagatinir sa Barangay 2.
Wala man nagtambong sa dialogue sang police station 2 si Cuadra matapos nga malakip ang ngalan sini sa nakalista kaupod sang utod nga duha ka kamot sa Purok Kagaykay, Barangay 2, Bacolod City.
