Nagdangat na sa indi magnubo 971 ka mga indibidwal ang naaresto sa pagbayolar sang election gun ban as of Sunday suno sa Philippine National Police (PNP).
Suno sa PNP, ang rehiyon nga may pinakamadamo nga violators nga nadakpan amu ang Metro Manila nga may 290, ginsundan sang Central Luzon nga may 149 kag Central Visayas nga may 128.
962 ka mga firearms ang nakumpiskar.
Santo sa Comelec Resolution No. 11067, ang gun ban ang epektibo sumugod Enero 12 tubtob Hunyo 11 sa tinutuyo nga mabuhinan ang election-related violence.
Samtang, nakareport naman ang PNP sang isa ka validated election-related incident sang violence sa Western Visayas.
Nagpanawagan si PNP chief Police General Rommel Marbil sa publiko nga magcooperate, magpabilin nga vigilant kag ireport ang maskin ano nga makaduluda nga mga aktibidad nga posible maghatag sang pagpamahog sa kalinong kag integrity sang Eleksyon.
