22 ka balay ang totally damaged samtang duha ang partially damaged sa nagluntad nga sunog sa Barangay 5, San Carlos City kahapon sang aga.
Sa interview sang Bombo Radyo Bacolod kay Fire Chief Inspector Erwin Johannes Gimotea, fire marshal sang San Carlos City Fire Station, nabatun nila ang tawag alas-11:19 sang aga, kag sila ang nakaabot sa sulod sang tatlo ka minutos.
Ginkonsiderar nga under control ang kalayo alas-11:46 sang aga kag nafire-out alas-12:11 sang udto.
Suno kay Gimotea, 1st alarm lamang ang kalayo.
Yara lamang sa sulusobra 800 square meter ang nasunog nga area apang nagdangat sa 24 ka balay ang nahalitan bangod ini ang magagmay lamang kag nagadinikit-dikit.
Sa natipon nga physical evidence kag pila ka mga witness, ang kalayo ang gikan sa balay ni Roque Mahinay, kag ginalantaw tuga sang nabiyaan nga linuto.
